ބޭންކް އޮފް މޯލްޑިވްސް (ބީއެމްއެލް) އާއި ކެންސަރު ސޮސައިޓީ އޮފް މޯލްޑިވްސް (ސީއެސްއެމް) އާ ގުޅިގެން ބޭއްވި "ޕިންކް ރިބަން ރަން ވޯކް" ކާމިޔާބުކަމާއެކު ނިންމާލައިފިއެވެ.

މި ހަރަކާތުގައި ގިނަ އަދަދެއްގެ ބަޔަކު ބައިވެރިއިރު، މިއަދު ހަވީރު ހުޅުމާލެ އަދި ރާއްޖޭގެ ރަށްތަކުގައި މި ހަރަކާތް ކުރިއަށް ގެންގޮސްފައި ވެއެވެ. އެގޮތުން ހުޅުމާލޭ ސެންޓްރަލް ޕާކުގައި ހާއްސަ ހަރަކާތްތަކާއެކު އެ އިވެންޓް ކުރިއަށްގެންދިޔައިރު، ރާއްޖޭގެ އެކި ކަންކޮޅުތަކުން 32 ރަށެއްގައި، އަދި 3 ރިސޯޓެއްގައިވެސް ވަނީ މި ހަރަކާތް ބާއްވާފައެވެ.

އުރަމަތީގެ ކެންސަރަކީ ދުނިޔެއިންވެސް އެންމެ ގިނަ ބަޔަކު ފެންނަ ކެންސަރުގެ ބާވަތްތަކުގެ ތެރޭގައި ހިމެނޭ އެއް ބާވަތެވެ. މިފަދަ ހަރަކާތްތަކުގެ ބޭނުމަކީ މި ބައްޔާއި ބެހޭ ގޮތުން މީހުން ހޭލުންތެރިކޮށް، އެ ބަލި ކުރިން ދެނެގަތުމުގެ މުހިންމުކަން އަންގައިދިނުމެވެ.\ސީއެސްއެމް އަކީ ކެންސަރަށް މީހުން ހޭލުންތެރިކުރުމުގެ އިތުރުން، ކެންސަރު ބައްޔަށް ފަރުވާ ބޭނުންވާ ފަރާތްތަކަށް ސައިކޯސޯޝަލް (ނަފްސާނީ އަދި އިޖްތިމާއީ) އެހީ ފޯރުކޮށްދިނުމަށް ގިނަ މަސައްކަތްތަކެއް ކުރަމުންދާ ޖަމިއްޔާއެކެވެ. މި ޖަމިއްޔާއިން އަންނަނީ ކެންސަރާ ގުޅުންހުރި ގިނަ ކަންކަމަށް އާންމުން ހޭލުންތެރިކުރުމަށް އެކި ހަރަކާތްތައް ހިންގަމުންނެވެ.

2014 ވަނަ އަހަރުން ފެށިގެން ބާއްވަމުން އަންނަ އެ ރަން އަށް 2016 ވަނަ އަހަރުން ފެށިގެން "ޕިންކް ރިބަން ރަން-ވޯކް" ބޭއްވުމަށް ބީއެމްއެލް އިން އަންނަނީ މެދުނުކެނޑި އެހީތެރިވަމުންނެވެ. މީގެ އިތުރުން، ސީއެސްއެމްގެ އެކި ހަރަކާތްތަކަށް އެހީތެރިވުމުގެ ގޮތުން ބޭންކުން ވަނީ ގިނަ ފަހަރު މާލީ އެހީތެރިކަންވެސް ފޯރުކޮށްދީފައެވެ.

ސިއްހަތު

މިއަހަރުގެ "ޕިންކް ރިބަން ރަން-ވޯކް" ބާއްވައިފި

ނ. މަނަދޫ ފިޓްނަސް ސެންޓަރުގެ މަސައްކަތް ހަލުވި ކަމާއިއެކު ކުރިއަށްދާ ކަމަށް އެ މަސައްކަތް ކުރާ އެމްޓީސީސީއިން ވިދާޅުވެއްޖެއެވެ.

އެމްޓީސީސީއިން ވިދާޅުވީ މަނަދޫ ފިޓްނަސް ސެންޓަރުގެ މަސައްކަތް ހަލުވި ކަމާއިއެކު ކުރިއަށްދާ ކަމަށެވެ. އަދި މިހާރު ކުރިއަށްދަނީ ފުރާޅު އެޅުމަށް ދަނގަޑު ޖެހުމުގެ މަސައްކަތް ކަމަށް ވިދާޅުވިއެވެ.

ރައީސް ޑރ. މުހައްމަދު މުއިއްޒު މި ފަހުން ނ. އަތޮޅުގެ ރަށްތަކަށް ކުރެއްވި ރަސްމީ ދަތުރުފުޅުގައި މަނަދޫއަށް ވަޑައިގެންނެވިއެވެ. އަދި އެ ދަތުރުފުޅުގައި ވަރަށް ގިނަ މަޝްރޫއުތަކެއްގެ އަމަލީ މަސައްކަތް ވަނީ ފައްޓަވައިދެއްވާފައެވެ. އޭގެ ތެރޭގައި ފިޓްނަސް ސެންޓަރުގެ އަމަލީ މަސައްކަތް ހިމެނެއެވެ.

ރައީސްގެ އެދަތުރުފުޅުގައި، ޒިޔާރަތް ކުރެއްވި ރަށްރަށުގެ ކައުންސިލްތަކާއި، ރަށްރަށުގެ ރައްޔިތުންނާއި ބައްދަލުކުރައްވައި ވަނީ މަޝްވަރާތައް ކުރައްވައިފިއެވެ.

މި ބައްދަލުވުންތަކުގައި، ރަށްރަށަށް މިވަގުތު ތަރައްގީއަށް ކޮށްދެވޭނެ އެންމެ މުހިންމު ކަންކަން ދެނެގަނެ، އެކަންކަން ކޮށްދެއްވުމަށް މަސައްކަތް ކުރައްވާނެ ކަމަށް ރައީސް ވަނީ ވިދާޅުވެފައެވެ. މި ދަތުރުފުޅުގެ މައިގަނޑު މަގުސަދަކީ ރަށްރަށުގެ ތަރައްގީއަށް ބޭނުންވާ މަސައްކަތްތައް ގާތުން ދެނެގަނެ އެކަން ފެށުން ކަމުގައި ރައީސް ވަނީ ވިދާޅުވެފައެވެ.

އެމްޓީސީސީން ދަނީ ރާއްޖޭގެ އެކިކަންކޮޅުތަކުގައި ތަރައްގީގެ އެކި މަޝްރޫއުތައް ހިންގަމުންނެވެ.

Latest Lifestyle Main

މަނަދޫ ފިޓްނަސް ސެންޓަރުގެ މަސައްކަތް ކުރިއަށް

ސްޓެލްކޯގެ މުވައްޒަފުންގެ ހެލްތް ސްކްރީނިން ހަރަކާތެއް ކުރިއަށް ގެންގޮސްފިއެވެ.

ސްޓެލްކޯއިން ވިދާޅުވީ ދުޅަހެޔޮ ދިރިއުޅުމާއި ގުޅޭގޮތުން މުވައްޒަފުން ހޭލުންތެރިކޮށް، މުވައްޒަފުންގެ ސިއްހީ ހާލަތު ދެނެގަތުމަށް ހުޅުމާލޭ ހޮސްޕިޓަލާއި ގުޅިގެން އިއްޔެ އެ ކުންފުނީގައި ހެލްތު ސްކްރީނިން ހަރަކާތެއް ކުރިއަށް ގެންގޮސްފައިވާ ކަމަށެވެ.

އެ ހަރަކާތުގެ ތެރެއިން އެ ކުންފުނީގެ ގިނަ އަދަދެއްގެ މުވައްޒަފުން ވަނީ ހެލްތު ސްކްރީނިންގ ހަދައި، ދުޅަހެޔޮ ސިއްހަތެއްގައި ތިބުމަށް ބޭނުންވާ މައުލޫމާތު ހޯދާފައި ކަމަށް ސްޓެލްކޯއިން ވިދާޅުވިއެވެ.

ސްޓެލްކޯއިން އަބަދުވެސް އެ ކުންފުނީގެ މުވައްޒަފުންގެ ދުޅަހެޔޮކަމާއި އުފާވެރިކަމަށް ހާއްސަ ސަމާލުކަމެއްދެއެވެ. އެގޮތުން ދުޅަހެޔޮ ސިއްހަތަކަށް ފަހިވާނެ އެކި ހަރަކާތްތައް ހިންގައެވެ. އަދި މުވައްޒަފުންގެ ހިތްހަމަޖެހުމަށް އެކި ހަރަކާތްތައް ހިންގައެވެ.

Latest Lifestyle Side Cards

ސްޓެލްކޯގެ މުވައްޒަފުންގެ ހެލްތް ސްކްރީނިން ހަރަކާތެއް ކުރިއަށް ގެންގޮސްފި

ޕްރައިމަރީ ހެލްތު ކެއަރ ނިޒާމްގެ ތެރެއިން މިއަހަރުގެ ސެޕްޓެމްބަރު މަހުގެ ނިޔަލަށް 24773 މީހުން ގައިންގަޔަށް ނާރާ ބައްޔަށް ސްކްރީން ކޮށްފައިވާކަމަށް ހެލްތު ޕްރޮޓަކްޝަން އެޖެންސީ އެޗްޕީއޭއިން ވިދާޅުވެއްޖެއެވެ.

ޕްރައިމަރީ ހެލްތު ކެއަރގެ ނިޒާމަކީ ބަލިން ރައްކާތެރިވުމުގެ ފިޔަވަޅުތައް އެޅުމަށާއި ސްކްރީންކޮށް ބަލިދެނެގަތުމަށާއި، ބޮޑުވަރުވިޔަނުދީ ބެލެހެއްޓުމަށް ބާރުއަޅާ، ބަލިމީހުންނާއި އެމީހުންގެ އާއިލާތަކާއެކު މަސައްކަތްކުރެވޭނެ ގޮތަށް ކަންކަން އިންތިޒާމުކޮށް ހިންގޭ ޞިއްޙީ ޚިދުމަތުގެ ނިޒާމެވެ.

އެޗްޕީއޭއިން ވިދާޅުވީ އަތޮޅުތަކުގައި ޕްރައިމަރީ ހެލްތު ކެއަރ ނިޒާމް ހަރުދަނާކުރުމަށް ފަށާފައިވާ މަސައްކަތުގެ ދަށުން މިއަހަރުގެ ޖުލައި މަހުގެ ނިޔަލަށް ޖުމްލަ 11 އަތޮޅެއްގެ ޞިއްޙީ ދާއިރާގެ ގިނަ ޚިދުމަތްތެރިންނަށް ކަމާ ގުޅޭ ތަމްރީނުތައް ދީފައިވާކަމަށެވެ. އެއީ ފ، އދ، ނ، ޅ، ތ، މ، ބ، ދ، ރ، ގދ، ފުވައްމުލައް ސިޓީއެވެ.

ބާކީ ހުރި އަތޮޅުތަކުގެ ތަމްރީނުތައް 2026 ވަނަ އަހަރުގެ ފުރަތަމަ 4 މަސް ތެރޭގައި ނިންމުމަށް އެޗްޕީއޭއިން ވަނީ ރާވާފައެވެ. އަދި މިހާރު މަސައްކަތް ފަށާފައިވާ އަތޮޅުތަކުގައި އުމުރުން 35 އަހަރުން މަތީގެ މީހުން ގައިން ގަޔަށް ނާރާ ބަލިތަކަށް ސްކްރީންކޮށް އެ މައުލޫމާތުތައް ބެލެހެއްޓެމުގެ މަސައްކަތް ދަނީ ކުރަމުންނެވެ.

އެޗްޕީއޭއިން ހާމަކޮށްފައިވާގޮތުގައި ސެޕްޓެމްބަރުމަހުގެ ނިޔަލަށް 11 އަތޮޅަކުން 24773 މީހުން ގައިންގަޔަށް ނާރާ ބައްޔަށް ވަނީ ސްކްރީން ކޮށްފައެވެ. މީގެ ތެރޭގައި 4461 ލޭ މައްޗަށް ދާ މީހުން ރިކޯޑް ކުރެވިފައިވާކަމަށް އެޗްޕީއޭއިން ވިދާޅުވއެވެ.

ރާއްޖޭގައި ގައިންގަޔަށް ނާރާ ބަލިތައް ނިސްބަތުން ގިނަވެ، މަރުވާ މީހުންގެ %84 އަކީ މިފަދަ ބަލިތައް ތަޙައްމަލު ކުރާ މީހުންކަމަށް ކަމާބެހޭ އިދާރާތަކުން ވިދާޅުވެއެވެ. ޚާއްސަކޮށް ރާއްޖޭގައި ކެންސަރާ ކިޑްނީ ބައްޔާއި ހިތުގެ ބަލިތަކަށް ފަރުވާ ހޯދާ މީހުން އަންނަނީ އިތުރުވަމުންނެވެ.

މިބަލިތަކަށް ހުށަހެޅެނޭ ސަބަބުތަކުގެ ތެރޭގައި ދިރިއުޅުމުގެ ވައްޓަފާޅިއަށް އަންނަ ބަދަލުތައް ހިމެނެއެވެ. މިން ހެޔޮ ކާނާ ނުކެއުމާއި ހެލިފެލިވެނޫޅުމުގެ ސަބަބުން މިފަދަ ބޮޑެތި ބަލިތަކަށް ހުށަހެޅުމުގެ ފުރުޞަތު ބޮޑުވާކަން ސިއްޙީ މާހިރުން ފާހަގަކުރައްވައެވެ. އެހެންކަމުން މިފަދަ ބޮޑެތި ބަލިތަކަށް ހުށަހެޅުމުގެ ކުރިން ނުވަތަ ބަލީގައި ބޮޑުވަރު ނުވަނީސް ބަލި ދެނެގަތުމަކީ މުހިއްމުކަމަކަށް ވެއެވެ. މިކަން ކަން ދެނެގަތުމަށް ޕްރައިމަރީ ހެލްތްކެއަރ ނިޒާމް މުހިއްމުވެއެވެ.

ޕްރައިމަރީ ހެލްތު ކެއަރ ނިޒާމް ނުވަތަ އިބްތިދާއީ ސިއްޙީ ޚިދުމަތުގެ ނިޒާމު ވަރުގަދަކުރުމަށް ފަށާފައިވާ ޕްރޮގްރާމުގައި އާންމު ބަލިތަކުގެ ހާލަތު ދެނެގަތުމަށްޓަކައި 18 އަހަރުން މަތީގެ ކޮންމެ ރައްޔިތެއްގެ މެޑިކަލް ހިސްޓްރީ ނެގުމަށް ވަނީ ހަމަޖެހިފައެވެ. މި މެޑިކަލް ހިސްޓްރީގައި ކޮންމެ ރައްޔިތެއްގެވެސް މިހާތަނަށް ކުރެވުނު ބޭސްފަރުވާގެ މަޢުލޫމާތު ރިކޯޑުކުރެވޭނެއެވެ.

މި ޕްރޮގްރާމުގެ ދަށުން ސިއްޙީ ޚިދުމަތްތެރީން ގޭގެއަށް ޒިޔާރަތްކޮށް، ސިއްޙީ މަޢުލޫމާތު ފޯރުކޮށް، އެކިއެކި ބަލިތަކަށް ފަރުވާ ހޯދަމުންދާ ފަރާތްތަކަށް ލަފަޔާއި އިރުޝާދު ދިނުން ހިމެނެއެވެ. ދުނިޔޭގެ ސިއްޙަތު ޖަމްޢިއްޔާއިން އިރުޝާދު ދެއްވާ ގޮތުގައި، އިބްތިދާއީ ސިއްޙީ ނިޒާމަކީ ރައްޔިތުންނާއި ގާތުން ހަމަހަމަކަމާއެކު ސިއްޙީ ޚިދުމަތް ދިނުމަށް އެންމެ އިތުބާރު ހުރި ނިޒާމެކެވެ.

ޕްރައިމަރީ ހެލްތު ކެއަރ ނިޒާމް: 11 އަތޮޅުން 24000އަށްވުރެ ގިނަ މީހުން ސްކްރީންކޮށްފި

ޝެފް ސަންޖީވް ކަޕޫރުގެ ކުއިކް އެންޑް ހެލްތީ މިކްސްޑް ސްޕްރައުޓްސް ފަލަފެލް ރެސިޕީ އަކީ އާ ފޭވަރިޓް ޗީޓް މީލްއަކަށް ވެދާނެ އެވެ.

މިކްސްޑް ސްޕްރައުޓްސް

ފަތާއެކު ސްޕްރިންގް އަނިއަން

ރީނދޫ ލޮނުމެދު (ބާރީކޮށް ކޮށާފައި)

ރަހަ (ލޮނު، ކަރާ، ކަޅު މިރުސް، ރަތް މިރުސް)

https://www.instagram.com/reel/DMZo7O3sjRg/?utm_source=ig_web_copy_link

ކުއިކް އެންޑް ހެލްތީ މިކްސްޑް ސްޕްރައުޓްސް ފަލަފެލް ރެސިޕީ:  ފޭވަރިޓް ޗީޓް މީލް!!

-މިހާތަނަށް 598 ބައިވެރިން ކިޔަވައިފި

-ޖުމްލަ 1036 ފަރާތެއް ބައިވެރި

ޤައުމީ ފެންވަރުގައި ބާއްވާ ކީރިތި ޤުރުއާން ކިޔެވުމުގެ މުބާރާތުގައި މިހާތަނަށް 598 ބައިވެރިން ކިޔަވާފައިވާކަމަށް އިސްލާމީ ކަންތައްތަކާބެހޭ ވުޒާރާއިން މިއަދު ވިދާޅުވެއްޖެއެވެ. މިމަހުގެ 18 އިން 26 އަށް ކުރިއަށްދާ މިމުބާރާތުގައި ރާއްޖޭގެ އެކި ސަރަޙައްދުތަކުން ޖުމްލަ 1036 ދަރިވަރުންނާއި ޒުވާނުންވަނީ ބައިވެރިވެފައެވެ.

ކީރިތި ޤުރުއާނަށް ތުއްތު ކުދިންނާއި ޒުވާނުންގެ ހިތުގައި ލޯބި ޖެއްސުމަށް ސަރުކާރުން ކުރިއަށްގެންދާ އެންމެ ބޮޑު ޤުރުއާން މުބާރާތަކީ ސްކޫލް ކުދިންނާއި ޒުވާނުންގެ މެދުގައި ވަރަށް މަޤުބޫލު މުބާރާތެކެވެ. މިއީ ޤުރުއާނުގެ އަލީގައި ދިރިއުޅުން ބައްޓަންކުރުމަށް ހިތްވަރު ދިނުމުގެ ގޮތުން ކޮންމެ އަހަރަކުވެސް ބާއްވަމުން އަންނަ މުހިންމު ޙަރަކާތެކެވެ.

މުބާރާތް ކުރިއަށްދާ މިމަހުގެ 22 ވަނަ ދުވަހުގެ ރެއާއި ހަމައަށް 598 ބައިވެރިން ވަނީ ކިޔަވާފައެވެ. އެގޮތުން، ހޯމަ ދުވަހު އެކަނިވެސް 179 ބައިވެރިން ކިޔަވާފައިވާއިރު، އޭގެ ތެރޭގައި ހިމެނެނީ ބަލައިގެން ކިޔެވުމުގެ ގޮފިން 90 ބައިވެރިންނާއި ނުބަލާ ކިޔެވުމުގެ ގޮފިން 89 ބައިވެރިންނެވެ.

މި މުބާރާތުގެ ކިޔެވުންތައް ކުރިއަށްދަނީ މާލޭގައި ހުންނަ ކިންގ ސަލްމާން މިސްކިތުގައެވެ. ބަލައިގެން ކިޔެވުމުގެ ގޮފީގެ ކިޔެވުން މިސްކިތުގެ 4 ވަނަ ފަންގިފިލާގެ އޮޑިޓޯރިއަމްގައި ކުރިއަށްދާއިރު، ނުބަލާ ކިޔެވުމުގެ ގޮފީގެ ކިޔެވުން ކުރިއަށްދަނީ 5 ވަނަ ފަންގިފިލައިގެ މަލްޓިޕަރޕަސް ހޯލްގައެވެ. މުބާރާތުގައި ސްކޫލްތަކާއި، ޤުރުއާން ކުލާސްތަކާއި، އޮފީސްތަކާއި މުވައްސަސާތަކުގެ އިތުރުން އަމިއްލަގޮތުން އެކި ފަރާތްތަކުން ވަނީ ބައިވެރިވެފައެވެ.

 މިމުބާރާތް ނިމުމަށްފަހު، ރަނގަޅު ނަތީޖާ ހޯދާ ފަރާތްތަކަށް އިނާމާއި ހަނދާނީ ލިޔުން ދިނުމަށް ވަނީ ހަމަޖެހިފައެވެ.

މުޅި ރާއްޖެއަށް ހުޅުވާލައިގެން ކުރިއަށްގެންދާ މިމުބާރާތަކީ ރާއްޖޭގައި ބާއްވަމުން އަންނަ އެންމެ ދުވަސްވީ ޤުރުއާންކިޔެވުމުގެ މުބާރާތެވެ. މިގޮތުން މެދު ނުކެނޑި އެންމެ ދިގު މުއްދަތަކަށް ކުރިއަށްގެންގޮސްފައިވާ މުބާރާތަކީ 1981 ވަނަ އަހަރުން ފެށިގެން ބާއްވަމުން އަންނަ މުބާރާތެކެވެ.

މުބާރާތުގެ ފެންވަރު އިތުރަށް ރަނގަޅުކޮށް، ބައިވެރިންނާއި ބެލެނިވެރިންގެ ޝައުގުވެރިކަން އިތުރުކުރުމަށްވެސް ސަރުކާރުންދަނީ މަސައްކަތް ކުރައްވަމުންނެވެ. މިގޮތުން މިމުބާރާތަކީ ސީދާ ސަރުކާރުގެ ޚަރަދުގައި ބާއްވަމުންދާ މުބާރާތަކަށް މިހާރު ސަރުކާރުން ހަމަޖައްސާފައެވެ.

މުބާރާތުގައި ވަނަ ވަނައަށް ދާ ފަރާތްތަކަށް ދޭ އިނާމުތަކަށްވެސް ފާހަގަކުރެވޭ އިނާމުތައް އަންނަނީ ދެއްވަމުންނެވެ. މިގޮތުން މިމުބާރާތުގައިވެސް ކޮންމެ ޢުމުރުފުރާއަކުން 1 ވަނަ 2 ވަނަ އަދި 3 ވަނަ ހޮވުމަށް ހަމަޖެހިފައިވާއިރު މުޅި މުބާރާތުންވެސް ވަނަތަށް ހޮވުމަށްވަނީ ހަމަޖެހިފައެވެ. މުބާރާތުގައި ބައިވެރިވުމަށް ސްކޫލްތަކުގެ މުބާރާތުން އަދި އަތޮޅު މުބާރާތުން ހޮވޭ ދަރިވަރުންނަށް ފުރުސަތުދޭ ގޮތަށް އޮންނައިރު، މީގެ ސަބަބުން އިންޓަރ ސްކޫލް މުބާރާތްތަކާއި އަތޮޅުގައި ކުރިއަށްދާ މުބާރާތުގެ ވާދަވެރިކަންވެސް ބޮޑުވެއެވެ.

ޤުރުއާން ކިޔެވުމުގެ ޤައުމީ މުބާރާތް: 

ހުޅުމާލޭގެ ދެވަނަ ފިޔަވަހީގައި ދިރިއުޅޭ އާބާދީއަށް އަމާޒުކޮށް، ހިޔާ 16 ވަނަ ޓަވަރުގައި ހުންނަ ޖެނެރަލް ޕްރެކްޓިސް (ޖީޕީ) ކްލިނިކްގެ ޚިދުމަތް، މިހާރު 24 ގަޑިއިރު ލިބޭނެ ގޮތަށް ހަމަޖައްސައިފިއެވެ. މިކަމުގެ ސަބަބުން، ހުޅުމާލޭގެ ދެވަނަ ފިޔަވަހީގައި ދިރިއުޅޭ ފަރާތްތަކަށް ސިއްޙީ ފަރުވާ ހޯދުމަށް އިތުރަށް ފަސޭހަވެގެންދާނެކަމަށް އުންމީދުކުރެވެއެވެ.

މި ކްލިނިކް ހުޅުވާފައިވަނީ 2023 ވަނަ އަހަރުގެ ތެރޭގައެވެ. ހުޅުމާލޭގެ ދެވަނަ ފިޔަވަހީގައި ދިރިއުޅޭ ފަރާތްތަކަށް ސިއްޙީ ފަރުވާ ފަސޭހައިން ލިބޭނެ އިންތިޒާމު ހަމަޖެއްސުމަށްޓަކައި، 2023 ވަނަ އަހަރުގެ މެދުތެރޭގައި ހިޔާ 16 ވަނަ ޓަވަރުގައި ވަނީ ޖެނެރަލް ޕްރެކްޓިސްއަށް ޚާއްސަ މި ކްލިނިކް ހުޅުވާފައެވެ. އެތަން ހުޅުވިއިރު 6 ގަޑިއިރަށް އެއް ޝިފްޓަށް ޚިދުމަތް ދެމުންދިޔަނަމަވެސް، ޚިދުމަތް ހޯދަން އަންނަ މީހުންގެ ނިސްބަތް އިތުރުވުމާއެކު މިދިޔަ އަހަރުގެ އޭޕްރީލް މަހު ވަނީ ދެޝިފްޓަށް ޚިދުމަތް ފޯރުކޮށްދޭން ފަށާފައެވެ.

https://x.com/22halex/status/1969786876694536531?ref_src=twsrc%5Etfw%7Ctwcamp%5Etweetembed%7Ctwterm%5E1969786876694536531%7Ctwgr%5E69aefe62df160c3af46b5019028debb891bfbb5a%7Ctwcon%5Es1_c10&ref_url=https%3A%2F%2Fpsmnews.mv%2F165472

މިދަނޑިވަޅަކީ ހުމާއި ރޯގާގެ ސީޒަނަށްވާތީ، ހުޅުމާލޭ ހޮސްޕިޓަލަށާއި، ޖީޕީ ކްލިނިކަށްވެސް ބާރު ބޮޑުވެއެވެ. އެހެންކަމުން އިތުރުވަމުންދާ ހުޅުމާލޭގެ ދެވަނަ ފިޔަވަހީގެ އާބާދީއަށް ސިއްޙީ ޚިދުމަތް އިތުރަށް ފަސޭހައިން ލިބޭނެ އިންތިޒާމު ހަމަޖެއްސުމަށްޓަކައި، މި ކްލިނިކްގެ ޚިދުމަތް ދޭވަގުތު އިތުރުކުރުމަށް ސަރުކާރުން ވަނީ ނިންމަވާފައެވެ.

މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ އިބްރާހީމް ޢަބްދުއްރައްޒާޤް ޙަލީމް ވިދާޅުވީ، ރައީސުލްޖުމްހޫރިއްޔާ ޑރ.މުޙައްމަދު މުޢިއްޒުގެ ސިޔާސަތުގެ ދަށުން ސިއްޙީ ދާއިރާ ތަރައްޤީކުރުމަށް ކުރަމުންދާ މަސައްކަތުގެ ދަށުން ހުޅުމާލޭ ހިޔާ ޓަވަރުގައި ހުރި ޖީޕީ ކްލިނިކްގައި 24 ގަޑިއިރު ޚިދުމަތްދޭން ނިންމާފައިވާކަމަށެވެ. މިކަމުގެ ސަބަބުން ރައްޔިތުންނަށް ދިމާވާ ސިއްހީ ކުއްލި ހާލަތްތަކުގައިވެސް ފަސޭހައިން ފަރުވާ ލިބޭނެކަމަށް އޭނާ ވިދާޅުވިއެވެ.

މި ޚިދުމަތުގެ ސަބަބުން ހުޅުމާލޭގެ ދެވަނަ ފިޔަވަހީގެ ރައްޔިތުންގެ ދިރިއުޅުމުގެ ފެންވަރު ރަނގަޅުވެ، ސިއްޙީ ރައްކާތެރިކަމަށް އިތުރު ބޮޅެއް އިތުރުވެގެންދާނެކަމަށް ބެލެވެއެވެ.

އެގޮތުން ހުކުރު ދުވަސް ފިޔަވާ ހަފްތާގެ ކޮންމެ ދުވަހަކުވެސް 24 ގަޑިއިރު ކްލިނިކް ހުޅުވާފައި ހުންނާނެކަމަށް އޭނާ ވިދާޅުވިއެވެ. މިއާއެކު ދެވަނަ ފިޔަވަހީގައި ދިރިއުޅޭ ފަރާތްތަކަށް ސިއްޙީ ޚިދުމަތް ހޯދުމުގައި މިހާރަށްވުރެ ބޮޑު ލުއިފަސޭހަކަމެއް ލިބިގެންދާނެކަމަށްވެސް މާލެ ސިޓީ ގްރޫޕް އޮފް ހޮސްޕިޓަލްސްގެ ސީއީއޯ ވިދާޅުވިއެވެ.

ހުޅުމާލޭގައި ހިޔާ ޓަވަރުގެ އިތުރުން، ސަރުކާރުން ތަރައްޤީކުރަމުންދާ 4000 ހައުސިންގ ޔުނިޓާއި އަދި އެނޫންވެސް ފްލެޓުތަކާއި ޢިމާރާތްތަކާއެކު ދެވަނަ ފިޔަވަހީގައި ދިރިއުޅޭ އާބާދީ އަންނަނީ އިތުރުވަމުންނެވެ. އެހެންކަމުން ސިއްޙީ ޚިދުމަތް ހޯދުމަށް އެދޭ މީހުންގެ ޢަދަދު ވަނީ އިތުރުވެފައެވެ. މީގެއިތުރުން ހުމާއި ރޯގާ ފެތުރޭ ދުވަސްވަރު ހުޅުމާލޭ ހޮސްޕިޓަލަށް ބާރު ބޮޑުވެގެންދެއެވެ. 

އެހެންކަމުން މި ކްލިނިކްގެ ޚިދުމަތް 24 ގަޑިއިރަށް ބަދަލުކުރުމާއެކު ދެވަނަ ފިޔަވަހީގެ ސިއްޙީ ޚިދުމަތް ހޯދާ ފަރާތްތަކަށް ފަސޭހަކަމާއެކު ހިދުމަތް ލިބި، ހުޅުމާލޭ ހޮސްޕިޓަލަށް އޮންނަ ބާރުވެސް ކުޑަވާނެކަމަށް ސަރުކާރުން ވިދާޅުވެއެވެ.

ހުޅުމާލޭ ހިޔާ 16 ވަނަ ޓަވަރުގައި ހުންނަ ޖީޕީ ކްލިނިކުން 24 ގަޑިއިރުގެ ޚިދުމަތް ދޭން ފަށައިފި

ޒުވާން ޚަޠީބުންނަށް އަމާޒުކޮށްގެން އިސްލާމީކަންތައްތަކާ ބެހޭ ވުޒާރާއިން ކުރިއަށް ގެންދާ 'އިސްލާމިކް ލީޑާޝިޕް' ވޯކްޝޮޕް މިއަދު ފަށައިފިއެވެ. ދެދުވަހުގެ މުއްދަތަށް ކުރިއަށްގެންދިއުމަށް ހަމަޖެހިފައިވާ މި ވޯކްޝޮޕުގައި 50 ޒުވާން ޚަޠީބުން ވަނީ ބައިވެރިވެފައެވެ.

އިސްލާމީ ވުޒާރާއިން ވިދާޅުވީ، މި ވޯކްޝޮޕަކީ ޒުވާން ޚަޠީބުންނަށް އިތުރު ތަމްރީނު ދިނުމާއި، އިސްލާމީ ލީޑާޝިޕްގެ ދާއިރާއިން އިތުރަށް ކުރިއަށް ދިއުމަށް ހިތްވަރުދީ، ދާއިރާއާ ގުޅޭ ދީނީ މުހިއްމު މަޢުލޫމާތުތައް ފޯރުކޮށްދިނުމުގެ މަޤުސަދުގައި ކުރިއަށް ގެންދާ ވޯކްޝޮޕެއްކަމަށެވެ.

އެކި ދަންފަޅިތަކަށް ބަހާލައިގެން ކުރިއަށް ގެންދާ މި ވޯކްޝޮޕުގައި ތަފާތު މުހިއްމު މަޢުޟޫއުތަކަށް ދަންފަޅިތައް ކުރިއަށް ގެންދިއުމަށް ވަނީ ހަމަޖެހިފައެވެ. މި ވޯކްޝޮޕުގައި އަލިއަޅުވާލެވޭ މަޢުޟޫތަކުގެ ތެރޭގައި އިސްލާމީ އަޤީދާ، އިސްލާމްދީނާއި މިސްކިތްދެކެ ލޯބިވުން، ހެޔޮކަންކަމަށް އަމުރުކޮށް ނުބައިކަންކަން ނަހީކުރުން، ލީޑާޝިޕް އެންޑް މެނޭޖްމެންޓް އިން އިސްލާމް، ޙައްދުފަހަނައެޅުން، އިސްލާމީ ތާރީޚުން ހޮވާލެވިފައިވާ ބައެއް ލީޑަރުން، އިމޯޝަނަލް އިންޓެލިޖެންސް އިން ލީޑާޝިޕް، ރުޅި ކޮންޓްރޯލްކުރުމާއި ހެޔޮ ގޮތުގައި ވަގުތު ހޭދަކުރުން އަދި ސްޓްރެޓެޖިކް މެނޭޖްމެންޓް ފޯ ދަޢުވާ އެންޑް ލީޑަޝިޕް ހިމެނެއެވެ.

މި ވޯކްޝޮޕްގެ ދަންފަޅިތައް ނަންގަވައިދެއްވަނީ އިސްލާމީކަންތައްތަކާ ބެހޭ ވުޒާރާގެ ދީނީ ޢިލްމުވެރިންނެވެ. މި ވޯކްޝޮޕަކީ ދީނީ ދާއިރާއިން ޒުވާނުން ބާރުވެރިކުރުމަށް ކުރިއަށް ގެންދާ މުހިއްމު މަސައްކަތެކެވެ.

ޒުވާން ޚަޠީބުން ތަމްރީން ޕްރޮގުރާމަކީ ރަށްރަށަށް ދިމާވެފައިވާ ޚަޠީބުން ލިބުން ދަތިވުމުގެ މައްސަލައަށް ހައްލެއް ހޯދުމަށާއި ޒުވާން ކުދިންނަށް މި ފުރުސަތު ފަހިކޮށްދިނުމަށް ރައީސުލްޖުމުޙޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމުގެ ދަށުން އިސްލާމީ ކަންތައްތަކާބެހޭ ވުޒާރާއިން އެންމެ އިސްކަމެއް ދީގެން ކުރިއަށް ގެންދާ އެއް ޕްރޮގުރާމެވެ.

ދީން

ޒުވާން ޚަޠީބުންނަށް އަމާޒުކޮށްގެން 'އިސްލާމިކް ލީޑާޝިޕް' ވޯކްޝޮޕެއް ފަށައިފި

ލައިފްސްޓައިލް

ގަވާއިދާއި ހިލާފަށް ރާއްޖެއަށް އެތެރެ ކުރުމުން، މޯލްޑިވްސް ކަސްޓަމްސްގެ ބެލުމުގެ ދަށަށް ގެންދިޔަ ތިން މިލިއަނަށް ވުރެ ގިނަ ސިނގިރޭޓް ސްޓިކްސް ނައްތާލައިފިއެވެ.

މި ތަކެތި ނައްތާލާފައިވަނީ މިއަދު ކ. ދޫނިދޫގައި ކަސްޓަމްސް އޮފިސަރުންނާއި މީޑިއާގެ ހާޒިރުގައެވެ.

ކަސްޓަމްސް އިން މިއަދު ވިދާޅުވީ، ކަސްޓަމްސްގެ ބެލުމުގެ ދަށުގައި ހުރި 3,183,040 ސިނގިރޭޓް ސްޓިކްސް / 199 ކޭސް ސިނގިރޭޓް ނައްތާލާފައިވާ ކަމަށެވެ.

އަދި މިތަކެއްޗަކީ ގާނޫނާ ގަވާއިދާ ހިލާފަށް ރާއްޖެއަށް އެތެރެ ކުރަން އުޅެނިކޮށް ކަސްޓަމްސްގެ ބަލައި ފާސްކުރުމުގެ ތެރެއިން ހޯދިފައިވާ ތަކެތި ކަމަށްވެސް ކަސްޓަމްސް އިން ވިދާޅުވެފައި ވެއެވެ.

ކަސްޓަމްސް އިން މި ތަކެތި ނައްތާލަނީ އަންދާލައިގެންނެވެ.

ރާއްޖެއަށް ގަވާއިދާ ހިލާފަށް ސިނގިރޭޓް އެތެރެ ކުރާ މައްސަލަތައް މިފަހަކަށް އައިސް އިތުރުވެފައިވާކަން ފާހަގަކޮށްލަން ޖެހެއެވެ.