ހައްދުންމަތީގެ މީހުން ދިރިއުޅޭ ރަށްރަށަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، މިއަދު މާލެ ވަޑައިގެންފިއެވެ.

ރައީސުލްޖުމްހޫރިއްޔާގެ މި ދަތުރުފުޅުގައި، ހައްދުންމަތީގެ މީހުން ދިރިއުޅޭ 11 ރަށަކަށް ވަޑައިގެންނެވިއެވެ. އެއީ އިސްދޫ، ކަލައިދޫ، ދަނބިދޫ، މާބައިދޫ، މުންޑޫ، ގަން، މާވަށް، ފޮނަދޫ، މާމެންދޫ، ހިތަދޫ، އަދި ކުނަހަންދޫއެވެ.

އެމަނިކުފާނުގެ މިދަތުރުފުޅުގައި ރަށު ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކާ އަދި ރައްޔިތުންނާ ބައްދަލުކުރައްވައި، އެ ރަށްރަށުގެ ތަރައްޤީއަށް ބޭނުންވާ ކަންކަމާއި، ރަށާއި ރައްޔިތުންގެ ޙާލަތާ ގުޅޭގޮތުން މަޝްވަރާ ކުރައްވާފައިވެއެވެ.

ސަރުކާރުގެ ބައެއް ވަޒީރުންނާއި ކުންފުނިތަކުގެ ވެރިން އެކުލެވޭ ވަފުދެއް މި ދަތުރުފުޅުގައި ރައީސުލްޖުމްހޫރިއްޔާގެ އަރިހުގައި ބައިވެރިވެވަޑައިގެންނެވިއެވެ. އެ ވަފުދުން ވަނީ، ކޮންމެ ރަށެއްގައި މިހާރު ފަށާފައިވާ އަދި ފެށުމަށް ހަމަޖެހިފައިވާ މަސައްކަތްތަކާ ގުޅޭ އަދާހަމަ މަޢުލޫމާތު ފޯރުކޮށްދެއްވާފައެވެ.

ރައީސުލްޖުމްހޫރިއްޔާގެ މި ދަތުރުފުޅުގައި އަތޮޅުގެ އެކި ރަށްރަށަށް އަމާޒުކުރައްވައިގެން، މަސައްކަތްތައް ފައްޓަވައި، ތަރައްޤީގެ އެކި މަޝްރޫޢުތަކުގެ އެއްބަސްވުންތަކުގައި ވަނީ ސޮއިކުރައްވާފައެވެ. އެމަނިކުފާނުގެ މި ދަތުރުފުޅުގެ ތެރެއިން، ގެދޮރުވެރިކަމާއި ބޯހިޔާވަހިކަމުގެ މަޝްރޫޢުތަކާއި، ތަޢުލީމާއި، ޞިއްޙަތާއި، ހަށިހެޔޮކަމާއި ގުޅުންހުރި ބައެއް މަސައްކަތްތަކާއި، ބޭންކިންގްގެ ޚިދުމަތް ލުއިފަސޭހަކޮށްދެއްވުމާ ގުޅޭ މަޝްރޫޢުތައް ފައްޓަވާފައިވެއެވެ.

މޫސުން ތަންނުދިނުމުގެ ސަބަބުން ފައްޓަވައި ދެއްވުމަށް ހަމަޖެހިފައިވާ ބައެއް މަޝްރޫޢުތަކާއި އިފުތިތާހު ކުރެއްވުމަށް ހަމަޖެފައިވާ ބައެއް ކަންކަން ކެންސަލް ކުރައްވަން ޖެހިވަޑައިގެންނެވި ނަމަވެސް، ރައީސުލްޖުމްހޫރިއްޔާ ވަނީ، އެކަންކަން ކުރިއަށްގެންގޮސް ނިންމަވައިދެއްވާނެކަމުގެ ޔަގީންކަން، ރައްޔިތުންނަށް ދެއްވާފައެވެ. އަދި އެކި ދާއިރާތަކުން ރަށްރަށަށް ބޭނުންވާ ތަރައްޤީ ކަށަވަރުކޮށްދެއްވުމަށް ސަރުކާރުގެ ފުރިހަމަ އެއްބާރުލުން ލިބޭނެކަމުގެ ޔަޤީންކަންވެސް، އެމަނިކުފާނު ވަނީ ރައްޔިތުންނަށް ތަކުރާރުކޮށް ދެއްވާފައެވެ.

ހައްދުންމަތީގެ ރަށްރަށަށް ވަޑައިގެން، އެ ރަށްރަށުގެ ރައްޔިތުންނާ މުޚާޠަބުކުރައްވައި ރައީސުލްޖުމްހޫރިއްޔާ ދެއްކެވި ވާހަކަފުޅުތަކަށް ބަލާއިރު، ރައީސުލްޖުމްހޫރިއްޔާ ވަނީ ލ. އަތޮޅަށް އިތުރު އެއަރޕޯޓެއް ބޭނުންވާކަން ފާހަގަކުރައްވައި، އެކަމުގައި ގެންގުޅުއްވާނެ ސިޔާސަތު ހާމަކުރައްވާފައެވެ. އެގޮތުން އެކަމުގައި އޮތް އެންމެ ފައިދާހުރި، ދެކޮޅުޖެހޭ، ގޮތެއް ބެއްލެވުމަށްފަހު، ވަރަށް އަވަހަށް ގޮތެއް ނިންމަވާނޭކަމުގެ ޔަޤީންކަން އެމަނިކުފާނު އަތޮޅުގެ ރައްޔިތުންނަށް ދެއްވިއެވެ. ހަމައެއާއެކު، ހައްދުންމަތީ ކައްދޫ އެއަރޕޯޓް ބައިނަލްއަޤްވާމީ އެއަރޕޯޓެއްގެ ގޮތުގައި ތަރައްޤީ ކުރެއްވުމުގެ މަސައްކަތް ގިނަވަގެން ތިން އަހަރުގެ ތެރޭގައި ނިންމަވާނެ ކަމުގެ ޔަޤީންކަން ދެއްވިއެވެ.

އެމަނިކުފާނުގެ ވާހަކަފުޅުގައި ޤައުމީ އެކި މައްސަލަތަކަށް އަލިއަޅުއްވާލައްވައި، އެކި ދާއިރާތަކުން އުންމީދު އައުކޮށްދޭ މަޢުލޫމާތުތައް ހާމަކުރައްވައި މުހިންމު ކަންކަން އިޢުލާން ކުރައްވާފައިވެއެވެ. އެގޮތުން، އަންނަ އަހަރުގެ ޖަނަވަރީ މަހުން ފެށިގެން އެކަނިވެރި މައިންނަށް ދޭ އެލަވަންސް އިތުރުކުރައްވައި، ތެލަސީމިއާ ޕޭޝަންޓުންނަށް ދޭ އެލަވަންސް ތަޢާރަފުކުރައްވާނެކަންވަނީ އިޢުލާންކުރައްވާފައެވެ.

ހަމަމިއާއެކު، ވަޢުދުވެވަޑައިގެންނެވި ގޮތަށް ރާއްޖޭގައި މީހުން ދިރިއުޅޭ ހުރިހާ ރަށެއްގައި ފުލުހުންގެ ޚިދުމަތް ޤާއިމުކުރައްވައި ނިންމަވައި، އެކަން ރައީސުލްޖުމްހޫރިއްޔާ އިޢުލާންކުރެއްވީވެސް ހައްދުންމައްޗަށް ކުރެއްވި މި ދަތުރުފުޅުގެ ތެރޭގައެވެ.

މީގެއިތުރުން، އައްޑޫ ސިޓީގެ ތިން ރަށުގައި ކައުންސިލްތައް އުފައްދާނެ ގޮތާއިމެދު އަންނަ ހޮނިހިރު ދުވަހު ނަގާ ފެންނަ ނުފެންނަ ވޯޓުގައި ސަރުކާރުން ހާސިލްކުރަން ބޭނުންވާ ވަކި ނަތީޖާއެއް ނެތްކަމުގެ ޔަޤީންކަންވެސް ދިވެހި ރައްޔިތުންނަށް އެމަނިކުފާނު ވަނީ ދެއްވާފައެވެ.

ރައީސުލްޖުމްހޫރިއްޔާގެ މި ދަތުރުފުޅަކީވެސް ރާއްޖޭގެ ހުރިހާ އަތޮޅަކަށް ޒިޔާރަތްކުރައްވައި، އަތޮޅުތަކާއި ރަށްތަކާއި ސިޓީތަކުގެ ކައުންސިލުތަކާ ބައްދަލުކުރައްވައި، ރައްޔިތުންގެ ގާތަށް ވަޑައިގެން ރައްޔިތުންގެ ހާލު ބެއްލެވުމަށް ކުރިއަށްގެންދަވާ ސިލްސިލާ ދަތުރުފުޅުތަކުގެ ތެރޭގައި ހިމަނައިގެން އެމަނިކުފާނު ކުރެއްވި ދަތުރުފުޅެކެވެ.

ލ. އަތޮޅުގެ 11 ރަށަކަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސް މާލެ ވަޑައިގެންފި

ފޭސްބުކްގައި އެމްޑީޕީގެ ގައުމީ މަޖިލީހުގެ މެމްބަރު ފާތިމަތު ޒަހިއްޔާ (ޒާޔާ) ކުރި ޕޯސްޓުގެ މައްސަލަ ބަލަނީ ވައްކަމާއި ޚިޔާނާމުގެ މައްސަލަ ބަލާ ޑިޕާޓްމަންޓުން ކަމަށް ޒާޔާ ހާމަ ކޮށްފިއެވެ.

ޒާޔާ ހާމަ ކުރި ގޮތުގައި ފުލުހުން ވަނީ ތަފާތު ތިން މައްސަލަ އެއްގައި ފުލުހުންގެ އިދާރާ ހާޒިރުވުމަށް ޒާޔާ އަށް އަންގާފައެވެ. އޭގެ ތެރެއިން އަންގާރަ ދުވަހު ޒާޔާ އަށް ފުލުހުން ފޮނުވި ޗިޓުގައި އަންގާފައި ވަނީ ބުރާސްފަތި ދުވަހުގެ މެންދުރު 11:00 އަށް، ގަލޮޅު ޕޮލިސް ސްޓޭޝަނަށް ހާޒިރު ވުމަށެވެ. ބުރާސްފަތި ދުވަހު އޭނާ ފުލުހުންގެ އިދާރާ އަށް ހާޒިރުކުރަނީ "ލޫޓުވައިފި، ލޫޓުވައިފި" މުޒާހަރާގައި އަމުރަކަށް ނުކިޔަމަންތެރިވެ ޤަވާއިދާއި ޚިލާފު އަމަލުތަކެއް ހިންގި ކަމަށް ތުހުމަތުކޮށެވެ.

މީގެ އިތުރުން އިތުރު ދެ މައްސަލަ އެއްގައި އޭނާ ފުލުހުންގެ އިދާރާ އަށް ހާޒިރުކުރާނެކަން އޭނާ އަށް ފުލުހުން ވަނީ އަންގާފައެވެ. ޒާޔާ އަށް ފުލުހުން ފޮނުވާފައިވާ ޗިޓުތަކުގެ ތެރޭގައި 7 އޮކްޓޯބަރގައި، ޒާޔާގެ ފޯނު އަތުލުމަށް ފަހު ބެލި ބެލުންތަކަށް ފަހުގައި ޒާޔާ ހާޒިރުކުރުމަށް ބޭނުންވާ ކަމަށް ބުނެ ފުލުހުން ފޮނުވާފައިވާ ޗިޓެއް ހިމެނެއެވެ.

"އެންމެ ހެއްވާ ކަމަކީ ޗިޓުގައި މި އޮންނަނީ ފޭސްބުކްގައި ކުރި ޕޯސްޓުގެ މައްސަލަ ބަލާ ޑިޕާޓްމެންޓަކީ ވައްކަމާއި ޚިޔާނާތުގެ ޑިޕާޓްމެންޓް ކަމަށް. މީގެ އިތުރުން ބުރާސްފަތި ދުވަހު ފުލުހަށް ހާޒިރުވާން އަންގާ ފޮނުވި ޗިޓުގައި އެބަ އޮވޭ އިތުރު ތަހުގީގުކުރަން ސީސީ ޓީވީ އާއި ކޮމްޕެއަރކުރަން ފޮޓޯ އާއި ވީޑިއޯ ނަގާނެ ކަަމަށް. ކޯޓު އަމުރެއް ނުލިބޭ. އެހެންވީމަ އަޅުގަނޑު އެއްބާރުލުން ދޭނީ ކޯޓު އަމުރެއް އެކަމަށް އޮވެގެން." ޒާޔާ ވިދާޅުވިއެވެ.

ހަމަ އެހެންމެ ރަނގަޅު ޒޯންގައި ޕާކް ކޮށްފައި ހުއްޓާ އޮޅިގެން ކަަމަށް ބުނެ ޒާޔާގެ ސައިކަލު ފުލުހުން ގެންދިޔަ މައްސަލަ އެއް ވެސް ވަނީ ފެންމަތިވެފައެވެ. ޒާޔާ ބުނީ ސައިކަލު ގެންދިޔައީ ސިސްޓަމްގެ މައްސަލަ އަކުން ކަމަށް ފުލުހުން އޭނާ އަށް އަންގާފައިވާ ކަމަށެވެ.

އުސޫލާއި ޚިލާފަށް އޭނާގެ ސައިކަލު ޓޯޔަރޑަށް ގެންދިއުމަކީ އޭނާ އަށް ކުރި ފުރައްސާރަ އެއް ކަމަށް ޒާޔާ ވަނީ ސިފަކޮށްފައެވެ. ސައިކަލު ގެންދެވުނީ އޮޅުމަކުން ކަމަށް ބުނި ނަމަވެސް ފުލުހުންގެ އިދާރާ އަށް ހާޒިރުވެގެން ގަޑި އެއްހާ އިރު ވީ އިރުވެސް ފުލުހުންގެ ފަރާތުން އެއްބާރުލުމެއް ނުލިބުނު ކަން ޒާޔާ ފާހަގަ ކުރިއެވެ. ސައިކަލް އޮޅިގެން ގެންދެވުނު ކަމަށް ބުނުމުން އެއީ ޖޯކެއް ކަމަށް ޒާޔާ ސިފަކުރިއެވެ.

ބިރު ދައްކާނަމޭ ހިތާ ކުރާ މިފަދަ ކަންކަމަުން ޒާޔާ ވެސް އަދި އެމްޑީޕީ ވެސް ފަހަތަށް ނުޖެހޭނެ ކަމަށް އޭނާ ވަނީ ފާހަގަކޮށްފައެވެ. އަދި މިއީ ނޮވެމްބަރ 17އިގައި މުޒާހަރާ ކުރުމަށް އެމްޑީޕީން ތައްޔާރުވާތީ ސަރުކާރު ބިރުން އުޅޭކަމުގެ ހެއްކެއް ކަމަށް ޒާޔާ ވަނީ ސިފަކޮށްފައެވެ.

ފޭސްބުކްގައި ޒާޔާ ކުރި ޕޯސްޓްގެ މައްސަލަ ބަލަނީ

ގަވާއިދާއި ހިލާފަށް ރާއްޖެއަށް އެތެރެ ކުރުމުން، މޯލްޑިވްސް ކަސްޓަމްސްގެ ބެލުމުގެ ދަށަށް ގެންދިޔަ ތިން މިލިއަނަށް ވުރެ ގިނަ ސިނގިރޭޓް ސްޓިކްސް ނައްތާލައިފިއެވެ.

މި ތަކެތި ނައްތާލާފައިވަނީ މިއަދު ކ. ދޫނިދޫގައި ކަސްޓަމްސް އޮފިސަރުންނާއި މީޑިއާގެ ހާޒިރުގައެވެ.

ކަސްޓަމްސް އިން މިއަދު ވިދާޅުވީ، ކަސްޓަމްސްގެ ބެލުމުގެ ދަށުގައި ހުރި 3,183,040 ސިނގިރޭޓް ސްޓިކްސް / 199 ކޭސް ސިނގިރޭޓް ނައްތާލާފައިވާ ކަމަށެވެ.

އަދި މިތަކެއްޗަކީ ގާނޫނާ ގަވާއިދާ ހިލާފަށް ރާއްޖެއަށް އެތެރެ ކުރަން އުޅެނިކޮށް ކަސްޓަމްސްގެ ބަލައި ފާސްކުރުމުގެ ތެރެއިން ހޯދިފައިވާ ތަކެތި ކަމަށްވެސް ކަސްޓަމްސް އިން ވިދާޅުވެފައި ވެއެވެ.

ކަސްޓަމްސް އިން މި ތަކެތި ނައްތާލަނީ އަންދާލައިގެންނެވެ.

ރާއްޖެއަށް ގަވާއިދާ ހިލާފަށް ސިނގިރޭޓް އެތެރެ ކުރާ މައްސަލަތައް މިފަހަކަށް އައިސް އިތުރުވެފައިވާކަން ފާހަގަކޮށްލަން ޖެހެއެވެ.

ގަވާއިދާއި ހިލާފަށް ރާއްޖެއަށް އެތެރެ ކުރި ތިން މިލިއަން ސިނގިރޭޓް ނައްތާލައިފި

ބޮލީވުޑްގައި މަގްބޫލުކަން ހޯދަމުން އަންނަ ތަރި ޕަރިނިތީ ޗޯޕްރާ ވިހައިފިއެވެ.

ޕަރިނިތީ އާއި ފިރިމީހާ ރާގަވް ޗައްދާއަށް ފިރިހެން ދަރިއަކު ލިބިފައިވާކަން އިއުލާންކޮށްފައި ވަނީ ރާގަވްއެވެ. ޕަރިނީތީ ވިހާފައި ވަނީ މިއަދު ކަމަށް ބުނެފައިވެއެވެ.

އިންސްޓަގްރާމް އެކައުންޓުގައި އެ ދެމަފިިރިންނަށް އަލަތު ދަރިފުޅު ލިބުނު ކަން އިއުލާނުކޮށް ރާގަވް ނޯޓެއް ހިއްސާކޮށް ބުނީ މީގެ ކުރީގައި ތިބީ އެ ދެމީހުން އެކަނި ކަމަށާއި ނަމަވެސް މިހާރު އެމީހުންގެ ދިރިއުޅުމުގެ ހުރިހާ އެއްޗެއް ހަމަވީ ކަމަށެވެ.

މި ދެމީހުންނަށް ދަރިއަކު ލިބެން އުޅޭ ކަން ހާމަ ކޮށްފައިވަނީ މި އަހަރުގެ އޯގަސްޓް މަހުގައެވެ.

2023 ވަނަ އަހަރުގެ މެއި މަހުގެ 13 ވަނަ ދުވަހު ނިއުދިއްލީގައި ބޭއްވި ހަފްލާއެއްގައި ދެ ލޯބިވެރިން އެންގޭޖްވިއިރު، ކުލަ ގަދަ ހަފްލާއެއް ބޭއްވުމަށްފަހު ޕަރްނިތީ އާއި ރާގަވް ކައިވެނި ކޮށްފައިވަނީ 2023 ވަނަ އަހަރުގެ ސެޕްޓެމްބަރު މަހުގެ 24 ވަނަ ދުވަހު އުދެއިޕޫރުގައި ހުންނަ ދަ ލީލާ ޕެލެސް ހޮޓަލުގައެވެ.

ޕަރިނީތީ ބޮލީވުޑަށް ތައާރަފުވީ 2011 ވަނަ އަހަރު ނެރުނު ރޮމޭންޓިކް ކޮމެޑީ "ލޭޑީސް ވާސަސް ރިކީ ބަހްލް" އިންނެވެ. އެ ފިލްމްގައި ރަންވީރު ސިންގް އާއި އަނުޝްކާ ޝަރުމާ އެކުގައި ފެނިގެން ދެއެވެ. އޭނާ އެންމެ ފަހުން ފެނިގެން ގޮސްފައިވަނީ ސޫރަޖް ބަރްޖަތިޔާގެ "އުންޗައި" އިންނެވެ.

ރަގަވްއަކީ ސިޔާސީ ބޭފުޅެކެވެ. އޭނާއަކީ އިންޑިއާގެ ގާނޫނު ހަދާ މަޖިލީހުގެ މެންބަރެކެވެ.

ޕަރިނިތީ ވިހައިފި

ބޭންކް އޮފް މޯލްޑިވްސް (ބީއެމްއެލް) އާއި ކެންސަރު ސޮސައިޓީ އޮފް މޯލްޑިވްސް (ސީއެސްއެމް) އާ ގުޅިގެން ބޭއްވި "ޕިންކް ރިބަން ރަން ވޯކް" ކާމިޔާބުކަމާއެކު ނިންމާލައިފިއެވެ.

މި ހަރަކާތުގައި ގިނަ އަދަދެއްގެ ބަޔަކު ބައިވެރިއިރު، މިއަދު ހަވީރު ހުޅުމާލެ އަދި ރާއްޖޭގެ ރަށްތަކުގައި މި ހަރަކާތް ކުރިއަށް ގެންގޮސްފައި ވެއެވެ. އެގޮތުން ހުޅުމާލޭ ސެންޓްރަލް ޕާކުގައި ހާއްސަ ހަރަކާތްތަކާއެކު އެ އިވެންޓް ކުރިއަށްގެންދިޔައިރު، ރާއްޖޭގެ އެކި ކަންކޮޅުތަކުން 32 ރަށެއްގައި، އަދި 3 ރިސޯޓެއްގައިވެސް ވަނީ މި ހަރަކާތް ބާއްވާފައެވެ.

އުރަމަތީގެ ކެންސަރަކީ ދުނިޔެއިންވެސް އެންމެ ގިނަ ބަޔަކު ފެންނަ ކެންސަރުގެ ބާވަތްތަކުގެ ތެރޭގައި ހިމެނޭ އެއް ބާވަތެވެ. މިފަދަ ހަރަކާތްތަކުގެ ބޭނުމަކީ މި ބައްޔާއި ބެހޭ ގޮތުން މީހުން ހޭލުންތެރިކޮށް، އެ ބަލި ކުރިން ދެނެގަތުމުގެ މުހިންމުކަން އަންގައިދިނުމެވެ.\ސީއެސްއެމް އަކީ ކެންސަރަށް މީހުން ހޭލުންތެރިކުރުމުގެ އިތުރުން، ކެންސަރު ބައްޔަށް ފަރުވާ ބޭނުންވާ ފަރާތްތަކަށް ސައިކޯސޯޝަލް (ނަފްސާނީ އަދި އިޖްތިމާއީ) އެހީ ފޯރުކޮށްދިނުމަށް ގިނަ މަސައްކަތްތަކެއް ކުރަމުންދާ ޖަމިއްޔާއެކެވެ. މި ޖަމިއްޔާއިން އަންނަނީ ކެންސަރާ ގުޅުންހުރި ގިނަ ކަންކަމަށް އާންމުން ހޭލުންތެރިކުރުމަށް އެކި ހަރަކާތްތައް ހިންގަމުންނެވެ.

2014 ވަނަ އަހަރުން ފެށިގެން ބާއްވަމުން އަންނަ އެ ރަން އަށް 2016 ވަނަ އަހަރުން ފެށިގެން "ޕިންކް ރިބަން ރަން-ވޯކް" ބޭއްވުމަށް ބީއެމްއެލް އިން އަންނަނީ މެދުނުކެނޑި އެހީތެރިވަމުންނެވެ. މީގެ އިތުރުން، ސީއެސްއެމްގެ އެކި ހަރަކާތްތަކަށް އެހީތެރިވުމުގެ ގޮތުން ބޭންކުން ވަނީ ގިނަ ފަހަރު މާލީ އެހީތެރިކަންވެސް ފޯރުކޮށްދީފައެވެ.

ސިއްހަތު

މިއަހަރުގެ "ޕިންކް ރިބަން ރަން-ވޯކް" ބާއްވައިފި

ގިނަ އަދަދެއްގެ ބައިވެރިންނާއެކު ނިންމާލި 21 ވަނަ ސުކޫލު ކުދިންގެ ފެތުމުގެ މުބާރާތް 2025ގެ ސީނިއާ ގުރޫޕްގެ އެއްވަނަ ސީއެޗްއެސްއީ، ހުޅުމާލެ އަދި ޖޫނިއާ ގްރޫޕުގެ އެއްވަނަ ޣިޔާސުއްދީން އިންޓަނޭޝަނަލް ސުކޫލުން ހޯދައިފިއެވެ.

މި މުބާރާތުގެ ސީނިއާ ގުރޫޕުން ފިރިހެން ކެޓަގަރީގެ އެއްވަނަ ސީއެޗްއެސްސީ ހުޅުމާލެ ސުކޫލުން ހޯދިއިރު ދެވަނަ ހޯދީ ކަލާފާނު ސުކޫލުންނެވެ. ތިންވަނަ ހޯދީ ސީއެޗްއެސްއީ މާލެ ސުކޫލުންނެވެ. ޖޫނިއާ ގުރޫޕުން އެއްވަނަ ޣިޔާސުއްދީން އިންޓަނޭޝަނަލް ސުކޫލުން ހޯދިއިރު ދެވަނަ ހޯދީ އިސްކަންދަރު ސުކޫލުންނެވެ. ތިންވަނަ ހޯދީ ފިންލޭންޑް އިންޓަނޭޝަނަލް ސުކޫލުންނެވެ.

ސީނިއާ އޭ ކެޓަގަރީގެ އަންހެން ބައިން އެއްވަނަ ހޯދީ ޣިޔާސުއްދީން އިންޓަނޭޝަނަލް ސުކޫލުންނެވެ. ދެވަނަ ހޯދީ އިސްކަންދަރު ސުކޫލުންނެވެ. ތިންވަނަ ހޯދީ ސީއެޗްއެސްސީ މާލެ ސުކޫލުންނެވެ. ސީނިއާ އޭ ކެޓަގަރީގެ ފިރިހެން ފެތުންތެރިންގެ ތެރެއިން އެއްވަނަ ހޯދީ ސީއެޗްއެސްއީ ހުޅުމާލެ ސުކޫލުންނެވެ. ދެވަނަ ކަލާފާނުން ގެންދިޔައިރު ތިންވަނަ ހޯދީ އަހުމަދިއްޔާ އިންޓަނޭޝަނަލް ސުކޫލުންނެވެ.

ޖޫނިއާ އޭ ކެޓަގަރީގެ ފިރިހެން ފެތުންތެރިންގެ ބައިން އެއްވަނަ އަހުމަދިއްޔާ އިންޓަނޭޝަނަލް ސުކޫލުން ހޯދިއިރު ދެވަނަ ހޯދީ މަޖީދިއްޔާ ސުކޫލުންނެވެ. ތިންވަނަ ހޯދީ ރެހެންދި ސުކޫލުންނެވެ. ޖޫނިއާ އޭ ކެޓަގަރީން އަންހެން ފެތުންތެރިންގެ ބައިން އެއްވަނަ ޣިޔާސުއްދީނު ސުކޫލުން ހޯދިއިރު ދެވަނަ ހޯދީ އިސްކަންދަރު ސުކޫލުންނެވެ. ތިންވަނަ ހޯދީ ޖަމާލުއްދީން ސުކޫލުންނެވެ.

ސްކޫލް ކުދިންގެ ފެތުމުގެ މުބާރާތުގެ އެއްވަނަ ސީއެޗްއެސްއީ އާއި ޣިޔާސުއްދީން ސުކޫލަށް

ފާއިތުވެ ދިޔަ ދެ އަހަރަކީ ކުޅިވަރު ތަރައްޤީގައި ކާމިޔާބު ދެ އަހަރުކަމަށާ ކުޅިވަރު ކުރިއަރުވަން ގިނަ މަސައްކަތްތަކެއް އަދިވެސް ކުރެވެމުން އަންނަކަމަށް ކުޅިވަރާ ހަށިހެޔޮކަމާބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ.

ކުޅިވަރު ވަޒީރު މިހެން ވިދާޅުވީ ރައީސުލްޖުމްހޫރިއްޔާ ޑރ. މުހަންމަދު މުޢިއްޒާއެކު މިލަދުންމަޑުލު އުތުރުބުރިއަށް ކުރެއްވި ދަތުރުފުޅުގެތެރެއިން އެއަތޮޅު ކޮމަންޑޫގައި ހުންނަވާ ޕީއެސްއެމް ނިއުސްއަށް ދެއްވި ޚާއްސަ އިންޓަވިއުއެއްގައެވެ.

ވަޒީރު ވިދާޅުވީ ފާއިތުވެ ދިޔަ ދެ އަހަރެއްހާ ދުވަހަހުގެ ތެރޭގައި ކުޅިވަރުގެ ދާއިރާއިން ގިނަގުނަ ކުރިއެރުންތައް ހޯދިއްޖެކަމަށް ގަބޫލުކުރައްވާކަމަށެވެ. މިގޮތުން ކުޅިވަރުގެ ވަސީލަތްތައް ގާއިމުކުރުމާއި ދާއިރާއިން ޓެކްނިކަލް މީހުން އުފެއްދުމުގެ އިތުރުން ދިވެހި އެތުލީޓުންގެ ކުރިއެރުމަށް ގިނަ މަސައްކަތްތަކެއް ކުރެވުނުކަމަށް ވަޒީރު ހާމަކުރެއްވިއެވެ.

މިގޮތުން ކުރެވެމުންދާ މަސައްކަތުގެ ތެރެއިން ރާއްޖޭގެ އެކި ސަރަހައްދުތަކުގައި ގާއިމުކުރެވެމުންދާ ސްޕޯޓްސް ކޮމްޕްލެކްސް ގާއިމުކުރުމުގެ މަޝްރޫޢަށް އަލިއަޅުއްވާލައްވާ ވަޒީރު ވިދާޅުވީ އެއީ ވަރަށް މުހިންމު މަޝްރޫއެއްކަމަށް ގަބޫލުކުރައްވާކަމަށެވެ. ވަޒީރު ވިދާޅުވީ އުންމީދަކީ ލަސްވެގެން އަންނަ އަހަރުގެ ތެރޭގައި މަލްޓި ސްޕޯޓްސް ކޮމްޕްލެކްސްތައް ނިންމާ ހަވާލުކުރުންކަމަށެވެ.

"ވަރަށް މުހިންމުކަމެއް މިހާރުވެސް ކުރެވިގެން އެދަނީ. އެއީ މަލްޓި ސްޕޯޓްސް އިންޑޯ ކޮމްޕްލެކްސްތަކެއް ރާއްޖޭގެ އެކި ސަރަހައްދުތަކުގައި ގާއިމުކުރެވިގެން މިހާރު އެމަސައްކަތް ފެށިގެން މިހާރު މިދަނީ. ﷲ އިރަދަކުރެއްވިއްޔާ މިއަހަރުގެ ދެތިންމަހެއްގެ ތެރޭގައި އަދި މިއަންނަ އަހަރުގައި މަލްޓި ސްޕޯޓްސް އިންޑޯ ކޮމްޕްލެކްސްތައް ގާއިމުކުރެވިގެންދާނެ. މީގެ ސަބަބުން އިންޑޯގައި ކުޅޭ އެކި ކުޅިވަރުތައް އެތަނުގަ ކުޅެވިގެންދާނެ" ވަޒީރު ވިދާޅުވިއެވެ.

ވަޒީރު ވިދާޅުވީ މަލްޓި ސްޕޯޓްސް އިންޑޯ ކޮމްޕްލެކްސްތަކުގެ މަޝްރޫޢުގެ ބޭނުމަކީ އެއްތަނަކުން ގިނަ ކުޅިވަރުތައް ކުޅުމުގެ ފުރުސަތު ރައްޔިތުންނަށް ފަހިކޮށްދިނުންކަމަށެވެ. އޭގެ އިތުރުންވެސް ކުޅިވަރު ކުރިއެރުވުމަށް ޓެކްނިކަލް މީހުން ބިނާކުރުމަކީ ސަރުކާރުން ޚާއްސަ އިސްކަމެއްދެއްވާ ކަމެއްކަމަށް ވަޒީރު ވިދާޅުވިއެވެ.

މިދާއިރާއިން ކުރެވުނު މަސައްކަތުގެ ތެރޭގައި ވޮލީ ކޯޗުން ތަމްރީނުކުރުމާ، މެޑިކަލް ޓީމު ޗައިނާއަށް ކުރި ތަޖުރިބާ ހޯދުމުގެ ދަތުރު ފާހަގަކޮށްލެވޭކަމަށް ވަޒީރު ވިދާޅުވިއެވެ. އަދި ކުރިއަށް މިއޮތް ނޮވެމްބަރުމަހުގެ ތެރޭގައި ޗައިނާގެ ޓްރެއިނަރުން ރާއްޖެ އައިސް ބާސްކެޓުން ކުދިން ތަމްރީނުކުރުމަށް ޕްރޮގްރާމެއް ހިންގުމަށް ރާވާފައިވާކަމަށް ވަޒީރު ހާމަކުރެއްވިއެވެ.

"އަޅުގަނޑުމެން ބޭރު ގައުމުތަކާ އެމްއޯޔޫއެއް ހަދައިގެން މިހާރު އެކަންކަން އެބަ ކުރިއަށްދޭ. މިދިޔަ އަހަރު އަޅުގަނޑުމެން މިސާލަކަށް ވޮލީއިން އަޅުގަނޑުމެން ތަމްރީނުކުރިން ކޯޗުން. ހަމަ މިއަހަރު އަޅުގަނނޑުމެން މެޑިކަލް ޓީމު ޗައިނާއަށް ގެންގޮސްގެން އެކްސްޕީރިއަންސް އެކުދިންނަށް ހޯދައިދީފިން" ވަޒީރު ވިދާޅުވިއެވެ.

ރާއްޖޭގެ އާބާދީއަކީ ހަށިހެޔޮ ދުޅަހެޔޮ އާބާދީއަކަށް ހެދުމަކީ ސަރުކާރުގެ ވަރަށް ބޮޑު އަމާޒެކެވެ. މިއަމާޒަށް ވާސިލުވުމަށްޓަކައި ހެލިފެލިވެ އުޅުމަށް ބާރު އެޅުމުގެ ގޮތުން އިންޑޯ ޖިމްތަކާ ފިޓްނެސް އެންޑް ރެކްރިއޭޝަން ސެންޓަރުތައްވެސް އަންނަނީ އަޅަމުންނެވެ.

އޭގެ އިތުރުން ކުޅިވަރުގެ ވަސީލަތްތައްވެސް ގާއިމުކޮށްދިނުމާއި ރާއްޖޭގެ އެތުލީޓުން ކުރިއެރުވުމަށް ގިނަ މަސައްކަތްތަކެއްދަނީ ކުރެވެމުންނެވެ. މިމަސައްކަތްތަކުގެ ނަތީޖާއެއްގެ ގޮތުން ބައިނަލްއަޤްވާމީ ފެންޗަރުގައި ރާއްޖޭގެ އެތުލީޓުން ވިދާލާ، ކުޅިވަރާ ގުޅުންހުރި ޓެކްނިކަލް ފަރާތްތައް ގިނަ އަދަދަކަށް ތަމްރީނުކުރެވިފައިވެއެވެ.

"މިއީ އަޅުގަނޑު ދެކޭގޮތުގައި އަޅުގަނޑުމެންނަށް މިދިޔަ ދެ އަހަރެއްހާ ދުވަހުގެ ތެރޭގައި ކުރެވުނު މަސައްކަތުން ލިބުނު ކުރިއެރުމެއްކަމަށް އަޅުގަނޑު ދެކެނީ ވަރަށް ބޮޑަށް" ފާއިތުވެ ދެ އަހަރުގެ ކާމިޔާބީއަށް އިޝާރާތްކުރައްވާ ވަޒީރު ވިދާޅުވިއެވެ.

ރާއްޖޭގެ ކުޅިވަރު އެހެން ހަރުފަތަކަށް ގެންދިއުމަށް ސަރުކާރުން ހިފާފާ އަމާޒުގައި ރާއްޖެ އާއި ޗައިނާގެ ފުޖިއާން ޕްރޮވިންސްގެ ސްޕޯޓްސް ބިއުރޯއާއި ދެމެދު މިއަހަރުގެ ފެބުރުއަރީމަހު ފަހުމުނާމާއެއްގައި ވަނީ ސޮއި ކޮށްފައެވެ.

މި ފަހުމުނާމާގެ ދަށުން ދެ ޤައުމު ގުޅިގެން ކުޅިވަރުގެ ދާއިރާއިން ތަމްރީނު ޕްރޮގްރާމްތައް ހިންގުމާއި، ކުޅުންތެރިންނާއި ޓީމުތައް އަދި ކުލަބުތައް ކުރިއެރުވުމަށް ޗައިނާއިން ރާއްޖެއަށް އެހީވުމަށްވަނީ އެއްބަސްވެފައެވެ.

Featured Side Cards

ފާއިތުވެ ދިޔަ ދެ އަހަރަކީ ކުޅިވަރު ތަރައްޤީގައި ކާމިޔާބު ދެ އަހަރު: ވަޒީރު ރާފިޢު

މިލަދުންމަޑުލު އުތުރުބުރީގެ މީހުން ދިރިއުޅޭ ރަށްރަށަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، މިއަދު މާލެ ވަޑައިގަންނަވައިފިއެވެ.

ރައީސުލްޖުމްހޫރިއްޔާގެ މި ދަތުރުފުޅުގައި، މިލަދުންމަޑުލު އުތުރުބުރީގައި މީހުން ދިރިއުޅޭ 14 ރަށްކަމަށްވާ ކަނޑިތީމު، ނޫމަރާ، ގޮއިދޫ، ފޭދޫ، ފީވައް، ބިލެތްފަހި، ފޯކައިދޫ، މިލަންދޫ، ނަރުދޫ، މަރޮށި، ޅައިމަގު، ފުނަދޫ، ކޮމަންޑޫ އަދި މާއުނގޫދޫއަށް ޒިޔާރަތްކުރައްވާފައިވެއެވެ. ރައީސުލްޖުމްހޫރިއްޔާގެ މި ދަތުރުފުޅުގައި އެ ރަށްރަށުގެ ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކާ އަދި ރައްޔިތުންނާ ބައްދަލުކުރައްވައި، އެ ރަށްރަށުގެ ތަރައްޤީއަށް ބޭނުންވާ ކަންކަމާއި، ރަށާއި ރައްޔިތުންގެ ޙާލަތާ ގުޅޭގޮތުން މަޝްވަރާ ކުރައްވާފައިވެއެވެ.

ސަރުކާރުގެ ބައެއް ވަޒީރުންނާއި ކުންފުނިތަކުގެ ވެރީންގެ މައްޗަށް އެކުލެވޭ ވަފުދެއް މި ދަތުރުފުޅުގައި ރައީސުލްޖުމްހޫރިއްޔާގެ އަރިހުގައި ބައިވެރިވެވަޑައިގެންނެވިއެވެ. އެ ވަފުދުން ވަނީ، ކޮންމެ ރަށެއްގައި މިހާރު ފަށާފައިވާ އަދި ފެށުމަށް ހަމަޖެހިފައިވާ މަސައްކަތްތަކާ ގުޅޭ އަދާހަމަ މަޢުލޫމާތު ފޯރުކޮށްދެއްވާފައެވެ.

ރައީސުލްޖުމްހޫރިއްޔާގެ މި ދަތުރުފުޅުގައި އަތޮޅުގެ އެކި ރަށްރަށަށް އަމާޒުކުރައްވައިގެން، ތަރައްޤީގެ މަސައްކަތްތައް ފައްޓަވައި، ތަރައްޤީގެ އެކި މަޝްރޫޢުތަކުގެ އެއްބަސްވުންތަކުގައި ވަނީ ސޮއިކުރައްވާފައެވެ. އެމަނިކުފާނުގެ މި ދަތުރުފުޅުގެ ތެރެއިން، ސަރުކާރުގެ އެއްފަސްކުރުމުގެ ސިޔާސަތާއި ގުޅޭ ބައެއް މަޝްރޫޢުތަކާއި، ގެދޮރުވެރިކަމާއި ބޯހިޔާވަހިކަމުގެ މަޝްރޫޢުތަކާއި، ތަޢުލީމާއި، ޞިއްޙަތާއި، ހަށިހެޔޮކަމާއި ގުޅުންހުރި ބައެއް މަސައްކަތްތަކާއި މަޝްރޫޢުތައް ފައްޓަވާފައިވެއެވެ. އަދި އެކި ދާއިރާތަކުން ރަށްރަށަށް ބޭނުންވާ ތަރައްޤީ ކަށަވަރުކޮށްދެއްވުމަށް ސަރުކާރުގެ ފުރިހަމަ އެއްބާރުލުން ލިބޭނެކަމުގެ ޔަޤީންކަން، އެމަނިކުފާނު ވަނީ ރައްޔިތުންނަށް ތަކުރާރުކޮށް ދެއްވާފައެވެ.

އެގޮތުން، މަސްވެރިކަން ތަރައްޤީކުރުމަށް، މި ސަރުކާރުން ފެއްޓެވި މަސައްކަތްތަކުގެ ތެރޭގައި ހިމެނިގެން ޤާއިމުކުރެއްވި ފުރަތަމަ އައިސް ޕްލާންޓްގެ ޚިދުމަތް، ފުނަދޫގައި ރަސްމީކޮށް ފައްޓަވައިދެއްދެއްވިއެވެ. އަދި، 2026 ވަނަ އަހަރުގެ ދައުލަތުގެ ބަޖެޓުން 500 މިލިޔަން ރުފިޔާ ޞިއްޙީ ދާއިރާއަށް، އަދި 500 މިލިޔަން ރުފިޔާ ތަޢުލީމީ ދާއިރާއަށް އެކަށައަޅުއްވާނޭކަންވެސް އެމަނިކުފާނު އިޢުލާންކުރެއްވިއެވެ. މިދަތުރުފުޅުގައި، ރައްޔިތުންނާ މުޚާޠިބު ކުރައްވާ ދެއްކެވި ވާހަކަފުޅުތަކުގައި، ރާއްޖޭގެ މާލީ އަދި އިޤުތިޞާދީ ޙާލަތާއި އަދި ލިބެމުންދާ ކުރިއެރުންތަކާބެހޭ މަޢުލޫމާތު ހިއްސާކުރައްވާފައިވެއެވެ.

އެގޮތުން ރައީސުލްޖުމްހޫރިއްޔާ ވަނީ، ޕޭޕަލް ފަދަ ބައިނަލްއަޤްވާމީ ޒަމާނީ މާލީ މުއާމަލާތްތައް ކުރެވޭ ޕްލެޓްފޯމްތައް، ދިވެހީންގެ އަތްމައްޗަށް ގެނެސްދެއްވައި، އުފެއްދުންތެރިކަމުގެ އިޤްތިޞާދު އިތުރަށް ފުޅާކޮށްދެއްވާނެކަމުގެ ޔަޤީންކަން ދެއްވާފައެވެ. އަދި، ރާއްޖޭގެ ގިނަ ރަށްތަކަށް ކުރިމަތިވެފައިވާ ކުނީގެ މައްސަލަތައް ޙައްލުކުރުމުގެ ގޮތުން، އުތުރުގެ ގިނަ ރަށްތަކެއްގައި ހުއްޓިފައިވާ ކުނި މެނޭޖުކުރާ މަރުކަޒުތަކުގެ މަސައްކަތް އަލުން ފެށޭނެ އިންތިޒާމުތައް ކުރައްވަމުންގެންދަވާކަމުގައިވެސް އެމަނިކުފާނު ވިދާޅުވިއެވެ.

ރައީސުލްޖުމްހޫރިއްޔާގެ ދަތުރުފުޅުގައި ކަނޑިތީމުގައި ބީއެމްއެލްގެ އޭޓީއެމެއް ހުޅުއްވައިދެއްވާ، ގޮއިދޫގެ ފެނާއި ނަރުދަމާގެ ނިޒާމުގެ ޚިދުމަތް ރަސްމީކޮށް ފައްޓަވައިދެއްވިއެވެ.

ރައީސުލްޖުމްހޫރިއްޔާގެ މި ދަތުރުފުޅަކީވެސް ރާއްޖޭގެ ހުރިހާ އަތޮޅަކަށް ޒިޔާރަތްކުރައްވައި، އަތޮޅުތަކާއި ރަށްތަކާއި ސިޓީތަކުގެ ކައުންސިލުތަކާ ބައްދަލުކުރައްވައި، ރައްޔިތުންގެ ގާތަށް ވަޑައިގެން ރައްޔިތުންގެ ހާލު ބެއްލެވުމަށް ކުރިއަށްގެންދަވާ ސިލްސިލާ ދަތުރުފުޅުތަކުގެ ތެރޭގައި ހިމެނިގެން އެމަނިކުފާނު ކުރެއްވި ދަތުރުފުޅެކެވެ.

Featured Main

ށ. އަތޮޅަށް ކުރެއްވި ދަތުރުފުޅު ނިންމަވާލެއްވުމަށްފަހު ރައީސް މާލެވަޑައިގެންފި

ސަރުކާރުގެ އަމާޒަކީ ޕްލޭނާ އެއްގޮތަށް ކުރިއަށްހުރި މަޝްރޫޢުތައްވެސް ފެށިގެން ދިއުންކަމަށް ކުޅިވަރާ ހަށިހެޔޮކަމާބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ.

ކުޅިވަރު ވަޒީރު މިހެން ވިދާޅުވީ ރައީސުލްޖުމްހޫރިއްޔާ ޑރ. މުހަންމަދު މުޢިއްޒާއެކު މިލަދުންމަޑުލު އުތުރުބުރިއަށް ކުރެއްވި ދަތުރުފުޅުގެތެރެއިން އެއަތޮޅު ފުނަދޫގައި ހުންނަވާ ޕީއެސްއެމް ނިއުސްއަށް ދެއްވި ޚާއްސަ އިންޓަވިއުއެއްގައެވެ.

ވަޒީރު ވިދާޅުވީ ކުޅިވަރު ކުރިއެރުވުމަށް ގިނަ މަސައްކަތްތަކެއް ކުރެވެމުން އަންނަކަމަށެވެ. އޭގެ ތެރޭގައި ނިމިދިޔަ ސަރުކާރުގައި ހުއްޓިފައިހުރި މަޝްރޫޢުތައް ނިންމުމާ މިސަރުކާރުގެ ވަޢުދާ އެއްގޮތަށް ގާއިމުކުރަން ފެށުނު އެކިއެކި މަޝްރޫޢުތަކުގެ އަމަލީ މަސައްކަތް ފެށިފަވާކަމަށް ވަޒީރު ހާމަކުރެއްވިއެވެ. އޭގެ އިތުރުން އަންނަ އަހަރުގެ ބަޖެޓުގައި ހިމެނުމަށް ޕްލޭން ކުރެވިފައިވާ ކުޅިވަރުގެ މަޝްރޫޢުތައްވެސް ޕްލޭނާ އެއްގޮތަށް، ކުރިއަށް އޮތް އަހަރު ފެށިގެން ދިއުމަކީ ކުރާ ވަރަށް ބޮޑު އުންމީދެއްކަމަށް ވަޒީރު ހާމަކުރެއްވިއެވެ.

"މީގެ ތެރޭގަ ކުރީ ސަރުކާރުން ފަށާފަ ހުއްޓިފަ ހުރި މަސައްކަތްތައް އިތުރަށް އަލުގަނޑުމެން އެމަސައްކަތްތައް ކުރިއަށް ގެންގޮސް އެމަސައްކަތް ނިންމާ، އެތަންތަން ރާއްޖޭގެ އެރަށްތަކުގެ ރައްޔިތުންނަށް ބޭނުންކުރެވޭނެ ގޮތަށް އިންތިޒާމުކުރުން. އަދި އޭގެ އިތުރުން އަޅުގަނޑުމެން މިސަރުކާރު އައިފަހުން ކުރިއަށް ގެންދިޔަ މަޝްރޫޢުތައްވެސް ނިންމުން ހިމެނޭ. އަދި ޕްލޭން ކުރެވިފަ ހުރި ގޮތްގޮތަށް އަޅުގަނޑުމެންގެ ޕްލޭނާ އެއްގޮތަށް މަޝްރޫޢުތައް ފެށުން ހިމެނިގެން އެބަދޭ" ކުޅިވަރު ދާއިރާއިން ކުރެވެމުންދާ މަސައްކަތްތަކާ ގުޅޭގޮތުން ވަޒިރު ވިދާޅުވިއެވެ.

ވަޒީރު ވިދާޅުވީ ކުޅިވަރު ކުޅެވޭނެ އިންތިޒާމުތައް ރާއްޖޭގެ ހުރިހާ ހިސާބެއްގައި ގާއިމުކޮށްދެއްވުމުގެ މަޝްރޫޢަކީ ރައީސުލްޖުމްހޫރިއްޔާ ޑރ. މުހަންމަދު މުޢިއްޒުގެ އިސްނެންގެވުމުގެ މަތިން ކުރައްވަމުން އަންނަ ބިޔަ މަސައްކަތެއްކަމަށެވެ. އެގޮތުން ކުރެވޭ މަސައްކަތުގެ ދަށުން ފުޓުބޯޅަ އަދި ފުޓްސަލް ދަނޑުތައް ޒަމާނީ ފެންވަރަށް ތަރައްގީކޮށް ކުޅިވަރުގެ އެހެނިހެން ވަސީލަތްތައްވެސް ގާއިމުކޮށްދެއްވަމުން އަންނަކަން ފާހަގަކުރެއްވިއެވެ.

ވަޒީރު ވިދާޅުވީ އުންމީދަކީ އަމާޒަށް ވާސިލްވެ ޕްލޭނާ އެއްގޮތަށް ކަންކަން ބައްޓަންވެގެން ދިއުންކަމަށެވެ. ކުރިއަށް އޮތް ދުވަސްތަކަކީވެސް ކުޅިވަރުގެ އައު މަޝްރޫއުތަކެއް ފެށިގެންދާނެ ދުވަސްތަކެއްކަމަށާ، ރާއްޖޭގެ ކޮންމެ ރަށެއްގައި އައުޓްޑޯ ޖިމްއަކާއި ފިޓްނެސް އެންޑް ރެކްރިއޭޝަން ސެންޓަރެއް ގާއިމުކުރުމަށް ހަލުވި ކަމާއެކު މަސައްކަތްކުރެވެމުން އަންނަކަމަށް ވަޒީރު ވިދާޅުވިއެވެ.

ރައީސުލްޖުމްހޫރިއްޔާ ޑރ. މުހަންމަދު މުޢިއްޒު އަތޮޅު ތެރެއަށް ކުރައްވަމުން އަންނަ ދަތުރުފުޅުގެ ބޭނުމަކީ ރައްޔިތުންނާ ގާތުން ރައްޔިތުންގެ އަޑު އެއްސެވުންކަމަށާ، ރައްޔިތުން އެދޭގޮތަށް ކަންކަން ހަމަޖެހިގެންދާނެކަމަށް ވަޒީރު ވިދާޅުވެފަވެއެވެ. މި ދަތުރުގެ ތެރެއިން ގިނަ ކަންތައްތަކެއް ދެނެގަނެވިއްޖެކަމަށާ ދެން އޮތީ ވަކި ތާވަލެއްގެ ދަށުން މިކަންކަން ހައްލުކުރުމަށް މަސައްކަތްކުރުންކަމަށް ވަޒީރު ހާމަކުރެއްވިއެވެ.

ސަރުކާރުގެ އަމާޒަކީ ޕްލޭނާ އެއްގޮތަށް ކުރިއަށްހުރި މަޝްރޫޢުތައްވެސް ފެށިގެން ދިއުން: ވަޒީރު ރާފިޢު

މާލެއިން ފުރައިގެން ޅ. ނައިފަރަށް ދަތުރުކުރި "ނަސްރު" ބޯޓު ދިޔަވެ، އަޑިއަށް ގޮސްފިއެވެ.

މުދާ ބަރުކޮށްގެން ފަސް މީހުންނާއެކު ދަތުރު ކުރި މި ބޯޓު އަޑިއަށް ދިޔައީ ކ. ކާށިދޫ އާއި ޅ. އަތޮޅާ ދެމެދުގެ ސަރަހައްދަކަށެވެ. ފުލުހުން ވިދާޅުވި ގޮތުގައި މި ބޯޓު އަޑިއަށް ދިޔަ ކަމުގެ މައުލޫމާތު ލިބިފައިވަނީ މިއަދު މެންދުރު 13:22 ހާއިރެވެ.

މި ބޯޓުގައި ތިބި ފަސް މީހުން ސަލާމަތް ކުރީ އެމްއެންޑީއެފް ކޯސްޓްގާޑުންނެވެ. ބޯޓުން ދަތުރުކޮށްފައިވަނީ ދެ ދިވެހިންނާއި ތިން ބިދޭސީންނެވެ.

ފަސް ފަޅުވެރިން މިހާރު ވަނީ އެމްއެންޑީއެފް ނޮދަން އޭރިއާ ކޮމާންޑް، ކޯސްޓްގާޑު ފަސްޓް ސްކޮޑްރަންގެ އެހީތެރިކަމާ އެކު ނައިފަރަށް ގެންގޮސްފައެވެ.

ބޯޓު އަޑިއަށް ދިއުމުގެ ސަބަބުން ބޯޓުގައި ހުރި މުދަލާއި އެހެނިހެން ތަކެތި އޮޔާ ދާނެތީ، މި ސަރަހައްދުން ދަތުރުކުރާ އުޅަނދުތައް މިކަމަށް ސަމާލުވުމަށް ކަމާބެހޭ ފަރާތްތަކުން އިރުޝާދު ދެއެވެ.

ނައިފަރަށް ދަތުރުކުރި ބޯޓެއް އަޑިއަށް ދިޔައިރު، މާލެ އިން ފުރައިގެން ކ. އެރިޔަދޫއަށް ދަތުރުކުރި ކޮޅުވެއްޓިއެއް ބަންޑުން ޖަހާލައި އޭގައި ތިބި މީހުންގެ ތެރެއިން ދެ މީހަކު ނިޔާވެފައި އޮއްވައި ވަނީ ފެނިފައެވެ. ނިޔާވެފައިވަނީ ދިވެއްސަކާއި ބިދޭސީއެކެވެ. މި ހާދިސާގައި ބިދޭސީއަކު ގެއްލިގެން ހޯދުމުގެ މަސައްކަތް ދަނީ ކުރަމުންނެވެ.

ނައިފަރަށް ދަތުރުކުރި "ނަސްރު" ބޯޓު އަޑިއަށް ގޮސްފި

މިއަހަރުގެ ބާ އިމްތިޙާނު 136 ކެންޑިޑޭޓުންނާއެކު ދިވެހިރާއްޖޭގެ ބާ ކައުންސިލުން މިއަދު ބާއްވައިފިއެވެ.

ބާ ކައުންސިލުން މިއަދު ބުނީ މި އަހަރުގެ އިމްތިޙާނު ބާއްވާފައިވަނީ ދިވެހިރާއްޖޭގެ ޤައުމީ ޔުނިވަރސިޓީގެ ފެކަލްޓީ އޮފް އެޑިޔުކޭޝަންގައި ކަމަށެވެ. މިއާއެކު 2022 ގައި ތަޢާރަފްކުރެވި އަހަރަކު އެއް ފަހަރު ބާއްވަމުންދާ ބާ އިމްތިޙާނު މިހާތަނަށް 641 ފަރާތަކުން ވަނީ ފުރިހަމަ ކޮށްފައެވެ.

ބާ އިމްތިޙާނަކީ ދިވެހިރާއްޖޭގައި ޤާނޫނީ ޚިދުމަތް ދިނުމަށް ބޭނުންވާ އެންމެ އަސާސީ ޤާނޫނީ ޢިލްމާއި ހުނަރު، އަލަށް ނުކުންނަ ޤާނޫނީ ވަކީލުންގެ ކިބައިގައި ހުރިކަން ކަށަވަރު ކުރުމަށާއި ފެންވަރު ވަޒަންކުރުމަށް ދެވޭ، ޤާނޫނީ ދާއިރާއާ ގުޅުމަށް ބޭނުންވާ މިނިމަމް ބެންޗްމާކް ކަނޑައަޅާ އިމްތިޙާނެވެ.

މި އަހަރުގެ އިމްތިޙާނުގައި ކޮންޓްރެކްޓް ލޯ އެންޑް ޕްރެކްޓިސް، ކްރިމިނަލް ލޯ އެންޑް ޕްރޮސީޖަރ، ލޭންޑް ލޯ އެންޑް ޕްރެކްޓިސް، ކޮންސްޓިޓިއުޝަނަލް އެންޑް އެޑްމިނިސްޓްރޭޓިވް ލޯ، ޓޯޓް ލޯ އަދި މޯލްޑިވިއަން ލީގަލް ސިސްޓަމުން، އިނގިރޭސި އަދި ދިވެހި ބަހުން ތައްޔާރުކުރެވިފައިވާ 120 މަލްޓިޕްލް-ޗޮއިސް ސުވާލު ހިމަނާފައި ވެއެވެ.

ބާ އިމްތިޙާނުގެ ސިލަބަސް އެކުލަވާލަނީ ދިވެހިރާއްޖޭގެ ޤާނޫނީ ދާއިރާގައި މަސައްކަތްކުރާ ތަޖުރިބާކާރު ޤާނޫނީ ވަކީލުންނާއި، ޤާނޫނީ ތަޢުލީމު އުނގަންނައިދޭ ބޭފުޅުންނާއި ފަނޑިޔާރުން ހިމެނޭ ގޮތަށް އެކުލަވައިލެވޭ ކޮމިޓީއަކުންނެވެ.

އަދި މިއަހަރުވެސް، އިމްތިހާނުގެ ބައިވެރިންނަށް ރިކޯޑުކުރެވިފައިވާ ލެކްޗަރުތަކާއި އަލަށް ސިލަބަހަށް އިތުރުކުރެވުނު ބައިތަކުން ލެކްޗަރުތައް ނަގައިދީފައި ވާކަމަށް ބާ ކައުންސިލުން މަޢުލޫމާތު ދީފައިވެއެވެ.

136 ކެންޑިޑޭޓުންނާއެކު މިއަހަރުގެ ބާ އިމްތިޙާނު ބާއްވައިފި

މިއަހަރުގެ މޯލްޑިވްސް ޓުއަރިޒަމް އެވޯޑް ހަފްލާގެ ތެރެއިން 8 ފެސިލިޓީއަކަށް ޖުމްލަ 10 އެވޯޑެއް ދީފިއެވެ. ބާސެލޯ ނަސަންދުރާގައި މިއަދު ބޭއްވި މޯލްޑިވްސް ޓުއަރިޒަމް އެވޯޑް ހަފްލާ ޝަރަފްވެރިކޮށްދެއްވީ، ފަތުރުވެރިކަމާ ތިމާވެއްޓާބެހޭ ވަޒީރު ޠާރިޤު އިބްރާހީމެވެ.

މޯލްޑިވްސް ޓޫރިޒަމް އެވޯޑް ދިނުމުގެ މައިގަނޑު މަޤްސަދަކީ ފަތުރުވެރިކަމުގެ ދާއިރާގައި މަސައްކަތްކުރާ ފަރާތްތަކާއި ކުންފުނިތަކުގެ އަގުވަޒަންކުރުންކަމަށް ފަތުރުވެރިކަމާ ތިމާވެއްޓާބެހޭ ވުޒާރާއިން ވިދާޅުވެއެވެ.

"މޯލްޑިވްސް ޓުއަރިޒަމް އެވޯޑް" ހަފްލާގެ ތެރެއިން ޖުމްލަ 8 ފެސިލިޓީއަކަށް 10 އެވޯޑެއް ދީފައިވެއެވެ. އޭގެތެރޭގައި ޓޫރިސްޓް ރިސޯޓުތަކާއި، ޓޫރިސްޓް ހޮޓެލްތަކާއި، ޑައިވް ސެންޓަރުތަކާއި، ގެސްޓްހައުސްތަކުގެ އިތުރުން، ޓްރެވަލް އެޖެންސީތައް ހިމެނެއެވެ.

މި ހަފްލާ ޝަރަފްވެރިކޮށްދެއްވާ ދެއްކެވި ވާހަކަފުޅުގައި ފަތުރުވެރިކަމާ ތިމާވެއްޓާބެހޭ ވަޒީރު ޠާރިޤު އިބްރާހީމް ވިދާޅުވީ، ކުރިއަށްއޮތްތަނުގައި މި އެވޯޑަށް ކެޓެގަރީތައް އިތުރުކުރުމުގެ މަސައްކަތް އެ ވުޒާރާއިން ކުރައްވަމުން އަންނަކަމަށެވެ.

ފަތުރުވެރިކަމުގެ ސިނާއަތަށް ޚާއްސަކޮށްގެން ފަތުރުވެރިކަމާ ތިމާވެއްޓާބެހޭ ވުޒާރާއިން އަންނަނީ، ފަތުރުވެރިކަމުގެ ދާއިރާގައި މަސައްކަތްކުރާ ފަރާތްތަކާއި ކުންފުނިތަކުގެ އަގުވަޒަންކުރުމަށް އެ ފަރާތްތަކަށް ޚާއްސަކޮސްގެން "މޯލްޑިވްސް ޓޫރިޒަމް އެވޯޑް" ހަފްލާ ކޮންމެ އަހަރުކުވެސް ބާއްވަމުންނެވެ.

އެގޮތުން މިއަހަރު އެވޯޑު ދީފައިވަނީ 2023 ވަނަ އަހަރުގެ ޖޫން އިން މިދިޔަ އަހަރުގެ މޭއިމަހުގެ ނިޔަލަށް އެވޯޑްތަކަށް ނޮމިނޭޓްވެފައިވާ ފަރާތްތަކަށެވެ.

މޯލްޑިވްސް ޓޫރިޒަމް އެވޯޑް: 8 ފެސިލިޓީއަކަށް 10 އެވޯޑެއް

ނ. މަނަދޫ ފިޓްނަސް ސެންޓަރުގެ މަސައްކަތް ހަލުވި ކަމާއިއެކު ކުރިއަށްދާ ކަމަށް އެ މަސައްކަތް ކުރާ އެމްޓީސީސީއިން ވިދާޅުވެއްޖެއެވެ.

އެމްޓީސީސީއިން ވިދާޅުވީ މަނަދޫ ފިޓްނަސް ސެންޓަރުގެ މަސައްކަތް ހަލުވި ކަމާއިއެކު ކުރިއަށްދާ ކަމަށެވެ. އަދި މިހާރު ކުރިއަށްދަނީ ފުރާޅު އެޅުމަށް ދަނގަޑު ޖެހުމުގެ މަސައްކަތް ކަމަށް ވިދާޅުވިއެވެ.

ރައީސް ޑރ. މުހައްމަދު މުއިއްޒު މި ފަހުން ނ. އަތޮޅުގެ ރަށްތަކަށް ކުރެއްވި ރަސްމީ ދަތުރުފުޅުގައި މަނަދޫއަށް ވަޑައިގެންނެވިއެވެ. އަދި އެ ދަތުރުފުޅުގައި ވަރަށް ގިނަ މަޝްރޫއުތަކެއްގެ އަމަލީ މަސައްކަތް ވަނީ ފައްޓަވައިދެއްވާފައެވެ. އޭގެ ތެރޭގައި ފިޓްނަސް ސެންޓަރުގެ އަމަލީ މަސައްކަތް ހިމެނެއެވެ.

ރައީސްގެ އެދަތުރުފުޅުގައި، ޒިޔާރަތް ކުރެއްވި ރަށްރަށުގެ ކައުންސިލްތަކާއި، ރަށްރަށުގެ ރައްޔިތުންނާއި ބައްދަލުކުރައްވައި ވަނީ މަޝްވަރާތައް ކުރައްވައިފިއެވެ.

މި ބައްދަލުވުންތަކުގައި، ރަށްރަށަށް މިވަގުތު ތަރައްގީއަށް ކޮށްދެވޭނެ އެންމެ މުހިންމު ކަންކަން ދެނެގަނެ، އެކަންކަން ކޮށްދެއްވުމަށް މަސައްކަތް ކުރައްވާނެ ކަމަށް ރައީސް ވަނީ ވިދާޅުވެފައެވެ. މި ދަތުރުފުޅުގެ މައިގަނޑު މަގުސަދަކީ ރަށްރަށުގެ ތަރައްގީއަށް ބޭނުންވާ މަސައްކަތްތައް ގާތުން ދެނެގަނެ އެކަން ފެށުން ކަމުގައި ރައީސް ވަނީ ވިދާޅުވެފައެވެ.

އެމްޓީސީސީން ދަނީ ރާއްޖޭގެ އެކިކަންކޮޅުތަކުގައި ތަރައްގީގެ އެކި މަޝްރޫއުތައް ހިންގަމުންނެވެ.

ޙަބަރު